JAN GUN

Ons het baie skade van die bobbejane ondervind, veral by ons gaste chalets wanneer daar nie mense is nie. Jan Gun het die probleem opgelos, van die eerste keer wat ons hom opgesit het tot vandag. Ons het nou n tweede Jan Gun aangekoop om ander areas ook te beskerm. Hulle werk en ek sal dit aanbeveel vir boere wat skade ondervind met bobbejane.

Ek het 3 Jannies, hulle staan op diens in die pekan boorde. Die boorde is min of meer 40 hektaar maar word in 4 gedeel. Die bobbejane is vreeslik lief vir die neute en sal 'n hele boom vernietig om by n enkele neut op die boonste tak uit te kom. Dit beteken maklik 4 jaar se groei wat verniel word in n paar minute.

So die Jan Guns bewaar van einde Feb tot Augustus die bome. Ons skuif hulle elke week en verander hulle klere van tyd tot tyd. As jy per kans n paar skote ook kan vuur na die trop help dit baie. Ons het gesien dat hier en daar sal n manlike dier nog deurkom en n paar takke breek maar sonder Jan is die verlies kwaai. Oor die algemeen het ons geen probleme met die konstruksie en die elektronika is slim genoeg om jou te waarsku per SMS as iemand met hom peuter.

PS: Die enigste ding wat better werk as Jan is my vrou Debby!

Ek het 'n 3 hektaar Pekanneut Boord wat ek jare terug gevestig het , en die grootste oes wat ek nog gehad het was 50Kg neute as gevolg van Blou Ape wat die bome verniel het en die oes gestroop het. Nadat ek al n fortuin spandeer het op elektrifisering, jakkals draad en die toespan met skadu nêt wat niks gehelp het nie, was my moed gebreek. My redding het gekom met die aanskaf van 'n Jan Gun, nadat hy begin diens doen het in die boord is daar nog nie weer n teken van 'n aap nie, ek vermoed hulle het uit die kontrei gevlug. Vir my was dit die beste aanwins op my plaas en is my gesondheid sommer stukke beter.

Ons gebruik Jan Gun om ons gewasse teen bobbejane te beskerm op ‘n plaas in die berge in die Beaufort-wes distrik. Jan Gun is in posisie by die lusern lande wat nie te ver vanaf die kranse is waar die trop slaap nie. In die oggende vertrek hulle vroeg en gaan elders, sonder om die lusern te besoek vir ontbyt soos wat hulle altyd gedoen het.

Al die bobbejane hol ‘n lyn!! Ons het al n paar mooi stories. Jan Gun doen regtig sy deel vandat ons hom ontvang het in Augustus 2020 en het ons van groot skade gespaar. Ons wil asb nog twee bestel want Jan kan nou nie oral wees nie!

Jan Gun werk uitstekend! Ons gebruik hom om boorde appel en peerbome op die plaas te beskerm. Alle bobbejane is weg en bly op die langtermyn weg uit die omgewing terwyl Jan Gun daar staan.